منتديات شباب
أهلاً بك عزيزي الزائرإ ذا كانت هذه زيارتك الأولى للمنتدى، فيرجى التكرم بزيارة صفحة س.ج كما يشرفنا أن تقوم بالتسجيل إذا رغبت بالمشاركة في المنتدى ولكن عليك الدخول الى منتدى منتدى تعليم الأعضاء الجدد للأطلاع على كيفية تفعيل عضويتك , أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.ولك منا كل الأحترام

قصيدة ذو الفقار للشاعر محمد فوزي

اذهب الى الأسفل

قصيدة ذو الفقار للشاعر محمد فوزي

مُساهمة من طرف sarmed في الأحد يونيو 20, 2010 5:20 pm


ذو الفقـــــــــــــــار
ابچي من الوجع والوجع يبچي النوب
والنوب المصيبه اعراقي يتوجـــــــع
عمت عين الوكت خلاني دون ايديـن
وبعد شنهو اليفيد وجسمي متگطــع
حاسبت الوكت لكن غلط لحســــــاب
متوهم يگلي احسابك شينفــــــــــع
مو مني الذنب ما خنت ابد العـــراق
ولا جبت اليهودي وگتله يتربــــــع
اسف يا وكت واستعجلت ويــــــاك
مو منك ذنب وادري الذنب يتبــــع
انه احچي واسولف صار سبع سنين
وشو جرح الوطن يوميه يتوســـــع
اشد تكريت تنزف عينهه الانبــــــار
وانظر عالسماوه مكسره وتضلــــع
ولم اشلاء بصره وادفن بذي قــــار
وديالى الرصاص البيهه يترصـــع
صفينه اشلاء تبچي وتحچي بينه الناس
واعلم في وكت كل احنه نجّمــــــــع
ونصير احنه الوكت ونغير التاريـخ
ونگله الزم مهنتك واكتب واطبــــع
احنه اهل الوطن ما جينه عالارتـال
لا بينه نذل لمريكا ظل يركــــــــــع
قارن يا نذل نفسك بهل جـــــــولان
واحدهم رجل ويگابل المدفـــــــــع
واتخيل بعد تسكن بــارض تكساس
وبريمه الضحيه ابسبتك تدمـــــــع
احنه اقوام تدري من الحزن منجوع
واذا ناكل درع صدگني ما نشبــــــع
اف السطعش نشويهه فختايـــــــات
وخل امريكا بينه اتجرب وتصنـــــع
جروح بحضرتك يعراق يدفــن
وعمت عيني شجتك ايد يدفن
لعد لعراق جوه الگاع يدفــن
وبنت رايس توزع طائفيــــه
وبنت لعراق ذمه برگبة الطيبيـــــن
اخذوهه غصب والحگهه لا تنــزع
عبايتهه بچت ودگ عل الجيــــران
وچلّب بالهمر يتوسل الملفــــــــــع
فدوه وياك اخذني وارد الف لزلوف
وغاد احفاد ضاري توزم وترجــــع
اشو لبنان عثرت كلهه صاحت صوت
وبنص القدس شارون يتكســــــــع
وبغداد انتخت ما سمعت ادعينــــاچ
وخبزهه المــوت دم ابمايهه وتجــرع
تدرون السبب خــاف احچي مصدگون
ما بيهه الصبايه اوحــده تتفـــــــــرع
لان هذا السبب مــات العزم بالنـــاس
وعمت عين الزلم تغريهم الترفــــــع
نسو اصل العراق والچان ابن نوماس
ويظل باقي وشريف من الاشرف ينبع
اگعد في مكانك واحسب الـــــــــدولار
بس احسب عدل واحسب بعد تدفـــع
ميهمه العراقي اللي گعد عالگــــــاع
لان جداً صبور وعلمه المرجــــــــع
من حبنه المحمد عدنه ذو الفقـــــــار
ومعدل نظيف ويعمي من يلمـــــــــع
خاف اتشوفه مره وتصنــــــع الألاف
ما تگدر ابد من مثله مـــــا يطلـــــع
عــــدنه ارجال صدگ همه ذو الفقار
وكـــــل حگ الاخذته اناخذه مربـــع


(( منقول ))

_________________
التوقيع


sarmed almosawi
avatar
sarmed
مدير المنتدى
مدير المنتدى

عدد المساهمات : 438
نقاط : 779
تاريخ التسجيل : 04/05/2010
العمر : 34
الموقع الموقع : Iraq

معاينة صفحة البيانات الشخصي للعضو http://shababbabil.hooxs.com

الرجوع الى أعلى الصفحة اذهب الى الأسفل

رد: قصيدة ذو الفقار للشاعر محمد فوزي

مُساهمة من طرف ???? في الخميس أغسطس 19, 2010 7:14 pm

مشكور اخي تسلم ايدك وبارك الله بيك ننتضر جديدك تحياتي وسلامي اخي

????
زائر


الرجوع الى أعلى الصفحة اذهب الى الأسفل

رد: قصيدة ذو الفقار للشاعر محمد فوزي

مُساهمة من طرف ???? في الجمعة أغسطس 20, 2010 7:24 am

يسلموووو سرمد القصيده روعة...عجبتني هذي الابيات
انه احچي واسولف صار سبع سنين
وشو جرح الوطن يوميه يتوســـــع
اشد تكريت تنزف عينهه الانبــــــار
وانظر عالسماوه مكسره وتضلــــع
ولم اشلاء بصره وادفن بذي قــــار
وديالى الرصاص البيهه يترصـــع

????
زائر


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى